GRADO EN MEDICINA

Universidade de Santiago de Compostela

Facultade de Medicina e Odontoloxía
R/ de San Francisco, s/n
15782 Santiago de Compostela
UXA Asociada: Unidade de Xestión Académica Campus Norte
Tipo de ensino: Presencial
Rama de coñecemento: Ciencias da Saúde

 OBXECTIVOS
O obxectivo fundamental do título de Graduado en Medicina pola Universidade de Santiago de Compostela é formar médicos:

 Desde o respecto aos dereitos fundamentais e de igualdade entre homes e mulleres
 Cunha compresión das ciencias básicas, clínicas e sociais adecuadas para a toma de decisións, o razoamento e o xuízo clínico que mostren actitudes apropiadas á ética e as responsabilidades legais,
 Respectando as distintas culturas, opinións, crenzas e costumes da persoa enferma e a súa familia que coñezan, comprendan e respecten a función e competencia doutros profesionais sanitarios dispostos a participar no seu desenvolvemento profesional continuado

Competencias xerais

 Recoñecer os elementos esenciais da profesión médica, incluíndo os principios éticos, as responsabilidades legais e o exercicio profesional centrado no paciente.
 Comprender e recoñecer a estrutura e función normal do corpo humano, a nivel molecular, celular, tisular, orgánico e de sistemas, nas distintas etapas da vida e nos dous sexos.
 Ter capacidade para elaborar un xuízo diagnóstico inicial e establecer unha estratexia diagnóstica razoada
 Adquirir experiencia clínica adecuada en institucións hospitalarias, centros de saúde ou outras institucións sanitarias
 Comunicarse de modo efectivo e claro, tanto de forma oral como escrita, cos pacientes, os familiares, outros profesionais e os medios de comunicación.
 Coñecer e recoñecer os determinantes de saúde na poboación, tanto os xenéticos como os dependentes do sexo e estilo de vida, demográficos, ambientais, sociais, económicos, psicolóxicos e culturais.
 Ter, na actividade profesional, un punto de vista crítico, creativo, con escepticismo construtivo e orientado á investigación.
 Comprender a importancia e as limitacións do pensamento científico no estudo, a prevención e o manexo das enfermidades.

Competencias específicas

 Coñecer e recoñecer as bases da conduta humana normal e as súas alteracións.
 Comprender e recoñecer os axentes causantes e factores de risco que determinan os estados de saúde e o desenvolvemento da enfermidade.
 Comprender e recoñecer os efectos do crecemento, o desenvolvemento e o envellecemento sobre o individuo e a súa contorna social.
 Comprender e recoñecer os efectos, mecanismos e manifestacións da enfermidade sobre a estrutura e función do corpo humano.
 Obter e elaborar unha historia clínica que conteña toda a información relevante.
 Indicar a terapéutica máis adecuada dos procesos agudos e crónicos máis prevalentes, así como dos enfermos en fase terminal.
 Expor e propor as medidas preventivas adecuadas a cada situación clínica.
 Saber utilizar as tecnoloxías da información e a comunicación nas actividades clínicas, terapéuticas, preventivas e de investigación.
 Ser capaz de formular hipóteses, colleitar e valorar de forma crítica a información para a resolución de problemas, seguindo o método científico.

ACCESO Y ADMISIÓN
Os xerais para as titulacións de grao.
Aínda que non se contemplan condicións nin probas de acceso especiais, considérase que o futuro alumno de medicina debe posuír vocación pola profesión de médico, espírito de servizo, capacidade de traballo de forma intensa e continua durante un período de tempo moi prolongado, capacidade e aptitude para traballar en equipo e comprometido coa xestión dos recursos. Non se recomenda o acceso a persoas con limitacións físicas ou psíquicas que poidan incapacitar para o exercicio da profesión médica. Nun futuro non se descarta a realización de probas específicas de acceso

Créditos necesarios para obter a titulación

Xeral - Grao en Medicina

	Formación Básica	Obrigatorios	Optativos	Total
1º Curso	48.0	12.0	0.0	60.0
2º Curso	12.0	42.0	6.0	60.0
3º Curso	0.0	57.0	3.0	60.0
4º Curso	0.0	57.0	3.0	60.0
5º Curso	0.0	54.0	6.0	60.0
6º Curso	0.0	60.0	0.0	60.0
Total	60.0	282.0	18.0	360.0

Enlace a las asignaturas
http://www.usc.es/gl/centros/medodo/titulacions.html